Toshkent metrosida 2027-yil 1-janvardan masofaga qarab to‘lov tizimi va abonentlar joriy etiladi. Prezident qarori qabul qilindi.
Toshkent metropolitenida yo‘lkira haqini to‘lashning mutlaqo yangi tizimi joriy etiladi. Davlat rahbarining 2026-yil 15-maydagi «Toshkent metropoliteni faoliyatining samaradorligini oshirishga doir qo‘shimcha chora-tadbirlar to‘g‘risida»gi (PQ-191-sonli) qaroriga muvofiq, endilikda yo‘lovchilar belgilangan qat’iy tarif o‘rniga, metrodagi bekatlar soni yoki bosib o‘tilgan masofaga qarab haq to‘laydi. Yangi tartib doirasida yo‘lovchilar uchun kunlik, haftalik hamda oylik abonentlar tizimi yo‘lga qo‘yiladi, shuningdek, aholining muayyan qatlamlari uchun alohida imtiyozlar saqlanib qolinadi.
Hujjatga ko‘ra, Transport vazirligi, Iqtisodiyot va moliya vazirligi, «Toshkent metropoliteni» AJ hamda shahar hokimligiga xalqaro tajriba asosida yangi to‘lov mexanizmini ishlab chiqish vazifasi yuklatildi. Mas’ul idoralar olti oy muddat ichida o‘z takliflarini jamiyat kuzatuv kengashi bilan kelishgan holda Vazirlar Mahkamasiga kiritishi lozim. Yangilangan tarif va to‘lov tizimini 2027-yilning 1-yanvaridan boshlab amaliyotga to‘liq tatbiq etish rejalashtirilgan.
