Surxondaryo viloyatidagi qadimiy Jarqo‘ton yodgorligi hududida xalqaro olimlar guruhi tomonidan olib borilgan qazishmalarda oid jarrohlik izlari bo‘lgan bola bosh suyagi topildi. Arxeologlar trepanatsiya (bosh suyagini teshish) amaliyoti izlari bo‘lgan besh yoshli bolaning bosh suyagini topishdi.
Ushbu noyob topilma miloddan avvalgi III ming yillikning oxiriga tegishli bo‘lib, u Oks sivilizatsiyasi (Baqtriya-Marg‘iyona arxeologik majmuasi) davriga borib taqaladi. Topilmaning yoshi qariyb 4000 yilga teng.
Italiyalik taniqli arxeolog Enriko Askalonening ta’kidlashicha, mazkur yangilik Markaziy Osiyo hududida o‘sha davrlardayoq tibbiyot va murakkab jarrohlik sohasi yuqori darajada rivojlanganini va bronza davri tabiblari murakkab operatsiyalarni bajara olganini yaqqol isbotlaydi.
