Prezidentning PF-104-sonli farmoni bilan 50 yildan oshgan ko‘p kvartirali uylarda devorlarni buzish, xonalarni birlashtirish va qayta rejalashtirish taqiqlandi. Istisno — konstruksiyalarni mustahkamlash.
Yangi norma eski uy-joy fondining xavfsizligini oshirish hamda ko‘p kvartirali uylarning konstruksiyalariga o‘zboshimchalik bilan aralashish natijasida kelib chiqadigan xavflarni kamaytirishga qaratilgan. Ushbu cheklov 1976-yilgacha qurilgan barcha turar joy binolariga taalluqlidir.
Yarim asrdan oshgan uylarda mulkdorlarga quyidagi ishlar man etiladi:
-
Devorlarni buzish va ularning joyini ko‘chirish (xoh yuk ko‘taruvchi, xoh ichki tosiq devor bo‘lsin);
-
Xonalarni birlashtirish (masalan, yashash xonasini balkon/lodjiya bilan yoki oshxonani yo‘lak bilan qo‘shish);
-
Kvartiralarning mavjud rejasini (loyihasini) o‘zgartirish билан bog‘liq har qanday harakatlar.
Qanday ishlarga ruxsat beriladi? Farmonda faqatgina bitta holat istisno qilingan. Unga ko‘ra, binoning yuk ko‘taruvchi konstruksiyalarini kuchaytirish va mustahkamlash bilan bog‘liq bo‘lgan muhandislik hamda ta’mirlash ishlarigagina ruxsat etiladi.
