O‘zbekistonda 2027-yil 1-yanvardan oilaviy shifokorlar va hamshiralarga 4 MHTEKMgacha oylik ustamalari belgilandi. Tibbiy ta’lim tizimi ham isloh qilinadi.
Tibbiyot xodimlari uchun har oylik ustama miqdorlari
O‘zbekistonda shifokorlar va orta tibbiyot xodimlariga har oylik ustamalar to‘lash tartibi tasdiqlandi. Yangi to‘lovlar tizimi 2027-yil 1-yanvardan kuchga kiradi.
Ustama miqdorlari xodimlarning ma’lumoti va kvalifikatsiyasiga qarab belgilandi:
-
4 MHTEKM: oilaviy tibbiyot bo‘yicha rezidatura yoki magistraturani tamomlagan oilaviy shifokorlar hamda pedagoglarga;
-
2 MHTEKM: magistrlik darajasiga ega hamshira va tibbiy akalarga (medbrat);
-
1 MHTEKM: bakalavr darajasiga ega hamshira va tibbiy akalarga.
Shuningdek, rezidenturada tahsil olayotgan talabalarga mehnatga haq to‘lashning eng kam miqdoriga 2,15 koeffitsient qo‘llangan holda stipendiya tayinlanadi.
Tibbiy ta’lim tizimidagi islohotlar
Tizimda tibbiyot kadrlarini tayyorlash tartibi ham tubdan o‘zgartirilmoqda. 2027/2028 o‘quv yilidan e’tiboran yangi qoidalar amal qiladi:
-
Kirish imtihonlari: tibbiyot aliytagohlariga kirish uchun minimal o‘tish bali maksimal ballning 60 foizini tashkil etadi.
-
Yakuniy davlat imtihonlari: o‘tish chegarasi shifokorlar uchun 70 foiz, o‘rta tibbiyot xodimlari uchun esa 60 foizdarajasida belgilanadi.
-
Tor mutassislar tayyorlash: qisqa muddatli qayta tayyorlash kurslari va internaturaga qabul to‘liq tugatiladi. Tor mutaxassislarni tayyorlash faqat rezidentura orqali amalga oshiriladi, magistratura esa ilmiy-pedagogik kadrlar yetishtirishga ixtisoslashadi.
-
Yangi o‘quv dasturlari: «Davolash ishi» yo‘nalishi bo‘yicha 6 yillik (5+1) bakalavriat dasturi joriy etilib, oxirgi kursda majburiy bir yillik amaliyot o‘tiladi. O‘rta tibbiyot xodimlarini tayyorlash bo‘yicha 2 yillik dasturlar bekor qilinadi.
Bundan tashqari, «Tibbiy hamrohlik» va «Oliy tibbiy hamrohlik» kabi yangi yo‘nalishlar ochilib, ularni tamomlagan ayollarga hamshira, erkaklarga esa tibbiy aka (medbrat) kvalifikatsiyasi beriladi.
