Xitoyda maoshi kamaytirilgani sababli o‘z rahbari va hamkasblarini o‘ldirgan Yoozoo Games kompaniyasi sobiq rahbari Syuy Yao qatl etildi.
Shanxay xalq sudi tomonidan qabul qilingan yakuniy qarorga asosan Yoozoo Games kompaniyasining sobiq menejeri qatl etilgani haqida rasmiy bayonot berildi. Mazkur mudhish voqea 2020 yilning dekabr oyida sodir bo‘lgan edi ва у ўша пайтда нафақат Xitoy biznes doiralarini, balki xalqaro hamjamiyatni ham larzaga solgan edi.
Tergov hujjatlariga ko‘ra jinoyatga kompaniya ichidagi jiddiy kelishmovchilik va boshqaruv tizimidagi ziddiyatlar sabab bo‘lgan. Korxona rahbari Lin Si o‘limidan biroz avval o‘z qo‘l ostidagi ushbu top menejerning oylik maoshini sezilarli darajada kamaytirgan hamda uni yirik xalqaro kino loyihalarni ishlab chiqarish jarayonidan chetlashtirgan.
Shundan so‘ng qasos o‘tida yongan Syuy Yao o‘z rahbari va boshqa hamkasblarining oziq ovqatlari hamda ichimliklariga zaharli moddalar qo‘shib qo‘ygan. Oqibatda shifoxonaga yotqizilgan 39 yoshli milliarder to‘qqiz kundan keyin vafot etgan, yana to‘rt nafar xodim esa og‘ir jarohatlar bilan omon qolgan.
