Eldor Shomurodov 22 ta gol bilan Turkiya Superligasida o‘yin ichidan gol urish bo‘yicha eng yaxshi to‘purar bo‘ldi. U EA FC 26 ramziy jamoasiga kirdi.
O‘zbekiston milliy terma jamoasi yetakchisi Eldor Shomurodov Turkiya chempionatining joriy mavsumini yorqin muvaffaqiyatlar bilan yakunladi. Hujumchimiz raqiblar darvozasini 22 bor aniq nishonga olishga erishdi. Garchi «Trabzonspor» a’zosi Pol Onuachu ham xuddi shuncha gol urgan bo‘lsa-da, u 6 ta vaziyatda penaltidan unumli foydalangan. Shomurodov esa faqat 4 ta golni standart vaziyatdan kiritib, o‘yin ichidan to‘p kiritish ko‘rsatkichi bo‘yicha chempionat g‘olibiga aylandi.
Bundan tashqari, o‘zbekistonlik forvard mavsum davomida 5 ta golli uzatmani amalga oshirdi. Natijada u 27 ochko bilan «gol plyus pas» tizimida ham chempionatning eng foydali o‘yinchisi unvonini qo‘lga kiritdi. Ushbu ro‘yxatda ikkinchi o‘rinni 11 ta gol va 13 ta uzatma muallifi bo‘lgan «Fenerbaxche» a’zosi Marko Asensio egallab turibdi. Shuningdek, milliy jamoamiz sardori EA FC 26 talqiniga ko‘ra Superliganing ramziy terma jamoasidan joy oldi va uning o‘yin kartochkasi 93 reyting darajasi bilan baholandi.
Izohlar
Hozircha izohlar yo‘q