Germaniyaning Transfermarkt portali Angliya Premyer-ligasi o‘yinchilarining yangi narxlarini e’lon qildi. “Manchester Siti” himoyachisi Abduqodir Husanov qit’ada yetakchiga aylandi.
Futbol statistikasi va o‘yinchilarning transfer narxlarini tahlil qilib boruvchi Germaniyaning nufuzli Transfermarkt portali Angliya Premyer-ligasi (APL) a’zolarining bozor qiymatini yangiladi. Unga ko‘ra, “Manchester Siti” hamda O‘zbekiston milliy terma jamoasining 22 yoshli himoyachisi Abduqodir Husanovning transfer bahosi birdaniga 15 million yevroga ko‘tarilib, jami 50 million yevroga yetdi.
Ushbu yuksak ko‘rsatkich sharofati bilan o‘zbekistonlik iqtidorli himoyachi rasman Osiyoning eng qimmat futbolchisi maqomini qo‘lga kiritdi. U qit’a reytingida germaniyaning “Mayns” klubi a’zosi, yaponiyalik Kaysyu Sanoni (40 mln yevro) hamda Ispaniyaning “Real Sosedad” jamoasida o‘ynovchi Takefusa Kuboni (30 mln yevro) ortda qoldirib, birinchi o‘ringa joylashdi.
Bundan tashqari, Husanov hozirgi kunda Angliya Premyer-ligasida to‘p tepayotgan sobiq ittifoq mamlakatlari futbolchilari orasida ham eng qimmat o‘yinchi bo‘lib turibdi. Mazkur ro‘yxatda ikkinchi o‘rinni transfer bahosi 32 million yevro etib belgilangan ukrainalik Yegor Yarmolyuk egallagan.
Transfermarkt talqiniga ko‘ra Osiyoning eng qimmat 10 ta futbolchisi ro‘yxati:
