O‘zbekiston TIV Tailand bilan vizasiz sayohat qilish bo‘yicha kelishuvga erishilganini ma’lum qildi.Hozirda hujjat matni Tailand tomoni tomonidan ko‘rib chiqilmoqda.
Diplomatik muzokaralar va kelishuv loyihasi
O‘zbekiston Tashqi ishlar vazirligi joriy yilning may oyidan boshlab mamlakat fuqarolari uchun Tailand Qirolligiga borishda qulay shart-sharoitlar yaratish maqsadida faol diplomatik sa’y-harakatlarni amalga oshirmoqda.
Jumladan, Tailand TIV bilan bir qator to‘g‘ridan-to‘g‘ri muzokaralar o‘tkazilib, O‘zbekiston Respublikasi va Tailand Qirolligi o‘rtasida vizasiz safarlar to‘g‘risidagi bitimni imzolash bo‘yicha kelishuvga erishildi. Ayni paytda hujjat loyihasi Tailand tomoni tomonidan ko‘rib chiqish jarayonida.
Elektron vizalardagi muammolarni hal etish
Shuningdek, o‘zbekistonlik fuqarolarning Tailand elektron vizalarini rasmiylashtirishda duch kelayotgan qiyinchiliklarini bartaraf etish bo‘yicha ham izchil diplomatik ishlar olib borilmoqda.
Mazkur kelishuvning imzolanishi ikki davlat o‘rtasidagi turizm va ishbilarmonlik aloqalarini yangi bosqichga olib chiqishi kutilmoqda.
