O‘zbekistonda Ochiq turizm mavsumi e’lon qilindi hamda turoperatorlarga yirik subsidiyalar ajratiladi. Mamlakatimiz turizm bozoridagi mavqeini mustahkamlash maqsadida yangi iqtisodiy rag‘batlantirish tizimini joriy etmoqda.
Endilikda davlat xorijlik mehmonlarni olib keluvchi kompaniyalarni bevosita moliyaviy qo‘llab-quvvatlaydi. Apreldan iyun oxirigacha davom etadigan «Ochiq turizm mavsumi» davomida tadbirkorlar uchun quyidagi yengilliklar beriladi:
-
Avia-tashuvchilarni rag‘batlantirish — har bir xorijiy sayyoh uchun aviakompaniyalarga 100 dollar miqdorida subsidiya beriladi. Shuningdek, aeroport xizmatlari xarajatlari 20 foizga arzonlashtiriladi.
-
Tizimli yordam — turoperatorlar har mingta sayyoh uchun 5000 dollargacha mukofot olishlari mumkin. QQSning yarmini kashbek ko‘rinishida qaytarib olish imkoniyati ham yaratildi.
Samarqand jahon tadbirlari markaziga aylanadi Turizmni targ‘ib qilish uchun 5 milliondan ko‘p obunachisi bor 50 nafar yirik bloger taklif etiladi. Samarqandda esa yil yakuniga qadar beshta dunyoga mashhur yulduzning konserti va o‘nta yirik iqtisodiy anjuman o‘tkazilishi rejalashtirilgan. Maqsad — joriy yilda qadimiy shaharga keluvchilar sonini 6 million nafarga yetkazishdir.
Izohlar
Hozircha izohlar yo‘q