Rossiyaga kirishda migrantlar uchun majburiy ro‘yxatdan o‘tish tizimi joriy etiladi. Rossiya IIV rasmiy vakili Irina Volkning so‘zlariga ko‘ra, ushbu tashabbus mamlakatga kirish jarayonini yanada tartibga solishga qaratilgan.
Federal qonunga taklif etilayotgan o‘zgartishlar migratsiya oqimi ustidan nazoratni kuchaytirish va jamoat xavfsizligini ta’minlashni ko‘zda tutadi.
Chet el fuqarosi chegara punktiga (KPP) yetib kelguniga qadar, o‘zining rejalashtirilgan safari haqida masofaviy tarzda bildirishnoma yuborishi majburiy etib belgilanadi.
Davlat organlari chegara kesib o‘tilishidan avval shaxs haqida ma’lumotga ega bo‘ladi. Tizim ishchi kuchi oqimini samaraliroq yo‘naltirish imkonini beradi.
Ushbu tizimning texnik bazasi allaqachon sinovdan o‘tkazilmoqda. Eslatib o‘tamiz:
-
2025-yil 30-iyundan boshlab bunday bildirishnomalarni yuborish mexanizmi eksperimental (ixtiyoriy) tarzda ishga tushirilgan edi.
-
Yangi qonun qabul qilingach, bu tartib barcha xorijliklar uchun qat’iy talabga aylanadi.
Bunday yondashuv chegara xizmatlari va huquqni muhofaza qiluvchi organlarga migrantlar oqimini oldindan prognoz qilish va xavfsizlik choralarini muvofiqlashtirishda yordam beradi.
