Joriy yilda Ramazon hayiti bayrami Navro‘z tantanalari bilan bir vaqtga to‘g‘ri kelishi munosabati bilan O‘zbekiston xalqi uzoq kutilgan dam olish kunlariga ega bo‘ladi.
Rasmiy ma’lumotlarga ko‘ra, dam olish kunlari quyidagi tartibda taqsimlandi:
-
20-mart — Ramazon hayiti bayrami;
-
21-mart — Navro‘z umumxalq bayrami;
-
22-mart — Yakshanba (dam olish kuni);
-
23-mart — Besh kunlik ish haftasida ishlovchilar uchun qo‘shimcha dam olish kuni.
Shunday qilib, standart ish tartibida ishlaydigan o‘zbekistonliklar ketma-ket 4 kun dam oladilar. Olti kunlik ish haftasida ishlovchilar uchun esa 23-mart (dushanba) odatdagi ish kuni bo‘lib qoladi.
Nima uchun dushanba dam olish kuni bo‘ldi? Amaldagi mehnat qonunchiligiga ko‘ra, agar bayram kuni dam olish kuniga (yakshanba) to‘g‘ri kelsa, ushbu dam olish kuni avtomatik ravishda keyingi ish kuniga ko‘chiriladi.
Toshkentda bayram dasturi
Poytaxtimizda ham keng ko‘lamli tadbirlar rejalashtirilgan. Xususan, 21 va 22-mart kunlari «O‘zbekiston ovozi 24/7»turistik ko‘chasida «Salom Navro‘z» tantanalari bo‘lib o‘tadi:
-
Soat 14:00 dan 20:00 gacha: Mehmonlar uchun bahoriy taomlar — sumalak va palov tayyorlanadi.
-
Madaniy dastur: «Bravo» orkestri ijrosida mashhur musiqiy kompozitsiyalar va saundtreklar yangrab, bayramona kayfiyat ulashiladi.
