Dam olish kunlari ayrim viloyatlarda yomg‘ir yog‘ishi mumkin, biroq yakshanba kuniga borib havo isib ketadi. O‘zgidromet chang-to‘zonlar va shamol kuchayishi haqida ogohlantirdi.
Bugun kunning ikkinchi yarmida Toshkent, Samarqand, Qashqadaryo, Surxondaryo viloyatlari va Farg‘ona vodiysining ayrim joylarida qisqa muddatli yomg‘ir hamda momaqaldiroq bo‘lishi mumkin. Respublikaning qolgan hududlarida esa yog‘ingarchilik kutilmaydi. Havo harorati +28…+33 daraja, janubda esa +34…+36 darajagacha issiq bo‘ladi.
6–7-iyun kunlari mamlakatning katta qismida quruq ob-havo bo‘lishi kutilmoqda. Faqat Farg‘ona vodiysida (6-iyun) va Qoraqalpog‘istonda (7-iyun) ayrim joylarda qisqa muddatli yomg‘ir yog‘ishi ehtimoli bor. Yakshanba kuniga borib kunduzgi harorat +34…+37 darajagacha ko‘tariladi.
Shamol tezligi 7–12 m/s bo‘lib, ayrim joylarda 13–18 m/s gacha kuchayishi va chang-to‘zonlar kuzatilishi mumkin. Shimolda 7-iyun kuni shamol tezligi 20–22 m/s gacha yetishi ehtimoli bor. Tog‘li hududlarda sel-suv toshqini xavfi saqlanib qolmoqda.
Poytaxtda ob-havo Toshkentda juma kuni tushdan keyin qisqa muddatli yomg‘ir va momaqaldiroq bo‘lishi mumkin, harorat +30…+32 daraja bo‘ladi. Shanba va yakshanba kunlari yog‘ingarchilik kutilmaydi. Shanba kuni harorat +32…+34, yakshanba kuni esa +34…+36 darajagacha ko‘tariladi. Shamol tezligi vaqti-vaqti bilan 10–12 m/s gacha kuchayib, chang-to‘zonlar hosil qilishi mumkin.
Izohlar
Hozircha izohlar yo‘q