Vobkent tumanima ikki qizga pornografik suratlar yuborgan va shahvoniy shilqimlik qilgan 18 yoshli yigit sudlandi. Unga jarima va qamoq jazosi berilib, telefoni musodara qilindi.
Aniqlanishicha, 2008-yilda tug‘ilgan SH.T. joriy yilning 14-may kuni N. va H. ismli qizlarga Telegram orqali qo‘ng‘iroq qilib, shahvoniy mazmunda gaplashgan, shilqimlik qilgan hamda turli pornografik materiallar va o‘zining intim suratlarini yuborgan. Sud majlisi davomida huquqbuzar o‘z aybiga to‘liq iqror bo‘lib, qilmishidan pushaymonligini bildirgan va jabrlanuvchi qizlardan kechirim so‘ragan.
Jinoyat ishlari bo‘yicha Vobkent tuman sudi qaroriga ko‘ra, SH.T. Ma’muriy javobgarlik to‘g‘risidagi kodeksning 41-1-moddasi 1-qismi (shahvoniy shilqimlik qilish) va 189-moddasi (pornografik mahsulotni tayyorlash, olib kirish, tarqatish, reklama qilish, namoyish etish) bilan aybdor deb topildi.
Sud huquqbuzarga nisbatan 3 sutka ma’muriy qamoq hamda bazaviy hisoblash miqdorining 50 baravari, ya’ni 20 million 600 ming so‘m miqdorida jarima jazosi tayinladi. Shuningdek, uning Samsung A5 rusumli uyali telefoni davlat foydasiga musodara qilindi.
Izohlar
Hozircha izohlar yo‘q