Ohangaron shahar sudida 39 yoshli M. T.ga nisbatan sud qarori chiqdi. Erkak avtomobilda notanish qizga nisbatan tegajog‘lik qilganlikda aybdor deb topildi.
Ish materiallariga ko‘ra, voqea Ohangaron shahriga ketayotgan vaqtda sodir bo‘lgan. Erkak notanish qizni manziliga eltib qo‘yish uchun o‘z avtomobiliga o‘tkazgan, biroq yo‘lda unga nisbatan nojo‘ya harakatlar qila boshlagan. Qiz qarshilik ko‘rsatishiga qaramay, haydovchi uning qo‘lidan ushlab, o‘ziga tortgan, quchoqlagan va oyoqlaridan ushlashga harakat qilgan.
Sud majlisida huquqbuzar o‘z harakatlarini tan olib, pushaymonligini bildirdi. U oilada yagona boqimanda ekanligini, ikki nafar voyaga yetmagan farzandi borligini aytib, suddan yengillik berishni so‘radi.
Sud qaroriga ko‘ra, fuqaro M. T. O‘zbekiston Respublikasi MJtKning 41-1-moddasi 1-qismi (Shahvoniy shilqimlik) bilan aybdor deb topildi. Unga nisbatan 5 sutka ma’muriy qamoq jazosi tayinlandi.
