Toshkent halqa avtomobil yo‘lida (THAY) Zeekr 001 elektromobilida yong‘in chiqdi. O‘t o‘chiruvchilar 4 daqiqada yetib kelib, olovni o‘chirishdi.
Toshkent viloyati Favqulodda vaziyatlar boshqarmasi (FVB) taqdim etgan rasmiy ma’lumotlarga ko‘ra, hodisa Toshkent halqa avtomobil yo‘lida (THAY) sodir bo‘lgan. ZEEKR 001 rusumli avtomobil yonayotgani haqidagi xabar soat 09:55 da “112” tezkor xizmatiga kelib tushgan.
Vaziyatni bartaraf etish uchun voqea joyiga zudlik bilan bitta o‘t o‘chirish-qutqaruv ekipaji yo‘naltirilgan. Qutqaruvchilar soat 09:59 da belgilangan manzilga yetib borishgan. Yong‘in Toshkent viloyati, Toshkent tumanidagi 90-uy yaqinida sodir bo‘lgani aniqlangan. O‘t o‘chiruvchilarning tezkor harakatlari natijasida yong‘in soat 10:05 da to‘liq o‘chirilgan. Hodisa sabablari yoki jabrlanganlar borligi haqida hozircha ma’lumot berilmagan.
Izohlar
Hozircha izohlar yo‘q