Alisher Qodirov maktablarda o‘qituvchilar faqat dars berishi, tarbiya bilan esa ota-onalar va alohida tizim shug‘ullanishi kerakligini taklif qildi.
Siyosatchining ta’kidlashicha o‘smirlik davri juda xavfli bosqich bo‘lib, bu yoshda bolalar o‘zlariga va atrofidagilarga tuzatib bo‘lmaydigan muammolarni keltirib chiqarishi mumkin. Deputat dars jarayoniga xalaqit beradigan o‘quvchilarni sinfdan chetlashtirish, muammoni esa maktab ma’muriyati ва ota onalar ishtirokida hal etish zarurligini, pedagoglarni bunday vaziyatlarda yolg‘iz qoldirish katta xato ekanini qayd etdi.
Partiya rahbarining fikricha o‘qituvchining asosiy vazifasi faqatgina fanni o‘rgatishdan iborat bo‘lishi lozim ва tarbiya uning majburiyatiga kirmasligi kerak. Agar maktablarda tartibni saqlash uchun mas’ul bo‘lgan alohida tizim hamda tarbiya fani joriy etilmasa, yaqin yillar ichida mamlakat o‘qituvchilar korpusini butunlay yo‘qotishi mumkinligi haqida ogohlantirildi.
Eslatib o‘tamiz, avvalroq poytaxtda dars vaqtida talablarni bajarmagan va o‘qituvchiga nisbatan hurmatsizlik qilgan o‘quvchini kaltaklagan pedagogga nisbatan ochilgan
jinoiy ish sud qarori bilan tugatilgan hamda o‘qituvchining harakatlari darsda tartibni saqlash choralari deb topilib, u aybsiz deb hisoblangan edi.
