Giyovandlik moddalarini qonunga xilof ravishda saqlashda ayblanib, 3 yildan beri qidiruvda bo‘lgan 37 yoshli o‘zbekistonlik AQShda ushlanib, O‘zbekistonga deportatsiya qilindi.
O‘zbekistan Respublikasi Ichki ishlar vazirligi xabar berishicha, uzoq vaqt davomida huquq tartibot idoralaridan yashirinib yurgan respublika fuqarosi Amerika Qo‘shma Shtatlari hududida qo‘lga olindi. Ma’lum qilinishicha, 37 yoshli ushbu shaxs Jinoyat kodeksining 276 moddasi 2 qismida ko‘rsatilgan giyovandlik vositalari, ularning analoglari yoki psixotrop moddalarni o‘tkazish maqsadini ko‘zlamay, qonunga xilof ravishda tayyorlash, saqlash, egallash, tashish yoki jo‘natish jinoyatini sodir etganlikda ayblanib, 2023 yilda rasman qidiruvga berilgan edi.
O‘zbekiston Ichki ishlar vazirligi Tezkor qidiruv departamenti xodimlari AQSh huquq tartibot idorasi hamda ushbu davlatning Toshkentdagi elchixonasi vakillari bilan hamkorlikda tezkor tadbir o‘tkazdi. Hamkorlikdagi harakatlar natijasida qidirilayotgan shaxs Nyu York shahrida yashirinib yurgani aniqlandi va u ushlanib, belgilangan tartibda O‘zbekistonga deportatsiya qilindi. Vazirlik o‘z bayonotida jinoyat sodir etib, tergov va sud organlaridan qochib yurgan shaxslarni qayerda bo‘lishidan qat’i nazar aniqlash hamda javobgarlikka tortish bo‘yicha xalqaro qidiruv ishlari izchil davom ettirilishini ma’lum qildi.
