Qorako‘l tumanidagi 5,3 magnitudali kuchli tungi zilziladan so‘ng Buxoro viloyatining Jondor tumanida yana yer qimirladi va Gazlida 2 ball bo‘lib sezildi.
Buxoro viloyatida ketma-ket ikki kundan buyon seysmik faollik kuzatilmoqda. Respublika seysmoprognostik monitoring markazi ma’lumotlariga ko‘ra, er osti silkinishlar seriyasi 20-mayga o‘tar kechasi soat 01:40 da Qorako‘l tumanida 5,3 magnitudali kuchli zilzila bilan boshlangan edi. O‘shanda 10 kilometr chuqurlikda yuz bergan tungi tebranishlar mamlakatning bir nechta hududlarida sezildi. Xususan, Buxoro viloyatida zilzila kuchi 2–3 ballni, Navoiy viloyatida esa 2 ballni tashkil etgan edi.
Ushbu kuchli zarbadan so‘ng viloyat hududida yana yer qimirlashi qayd etildi. Navbatdagi yer silkinishi 21-may kuni soat 12:29 da Jondor tumanida yuz berdi. Bu safar zilzila kuchi episentrda 3,4 magnitudaga teng bo‘lib, uning asoratlari Gazli shahrida 2 ball darajasida yana sezilgan. Mutaxassislar Jondor tumanidagi bugungi tebranishlarni Qorako‘ldagi kechagi kuchli zilziladan keyingi tabiiy baquvvat silkinishlar (aftershoklar) ekanini aytishmoqda. Episatrlardan 520 kilometrdan ortiq masofada joylashgan Toshkent shahrida tebranishlar umuman sezilmadi.
Izohlar
Hozircha izohlar yo‘q