Toshkentda bloger Sanjik (Sanjar Karimov) 5 yilga qamaldi. Sud uni Jinoyat kodeksining 273-moddasi bo‘yicha aybdor deb topdi.
Sudlanuvchi O‘zbekiston Respublikasi Jinoyat kodeksining 273-moddasida nazarda tutilgan jinoyatni (Giyovandlik vositalari, ularning analoglari yoki psixotrop moddalarni o‘tkazish maqsadini ko‘zlab qonunga xilof ravishda tayyorlash, egallash, saqlash va boshqa harakatlar qilish) sodir etganlikda aybdor deb topildi.
Sud hukmi bilan Sanjar Karimovga 5 yil muddatga ozodlikdan mahrum qilish jazosi tayinlandi. Tayinlangan jazoni umumiy tartibli koloniyalarda o‘tash belgilandi.
Sud jarayonida ishga aloqador barcha holatlar o‘rganilib, to‘plangan dalillarga huquqiy baho berildi. Mazkur hukm qonunda belgilangan tartibda shikoyat qilinishi mumkin.
