O‘zbekistonda propiska uchun uy egasining borishi shart emas. Endi rozilik Face-ID yoki Mobile-ID orqali onlayn beriladi va muddat 10 kun etib belgilandi.
Yangi tartibga ko‘ra uy egasi ijarachi yoki boshqa shaxsning propiskasiga roziligini masofadan turib Face-ID texnologiyasi yoki Mobile-ID tizimi orqali tasdiqlashi mumkin. Bu esa fuqarolarning shaxsan ishtirok etishi zaruratini bekor qilib ortiqcha ovvoragarchiliklarga chek qo‘yadi. Ro‘yxatdan o‘tish xizmatidan Yagona interaktiv davlat xizmatlari portali (YAIDXP) yoki Davlat xizmatlari markazlari orqali foydalanish imkoniyati yaratildi.
Belgilangan qoidalarga muvofiq propiska qilish uchun fuqarolarga 10 ish kuni muddat beriladi. Shuningdek bir nechta uyga egalik qiluvchi shaxslar uchun ham yangilik kiritildi. Endilikda bir necha xonadoni bor mulkdorlar faqat bitta manzilda doimiy ro‘yxatda turishlari mumkin bo‘ladi.
Raqamli identifikatsiya tizimining joriy etilishi jarayon xavfsizligini ta’minlash bilan birga vaqtni tejashga xizmat qiladi. Ushbu islohotlar davlat xizmatlarini ko‘rsatishda inson omilini kamaytirish va sohani to‘liq raqamlashtirish strategiyasining muhim qismi hisoblanadi.
