Rossiyada migrantlar uchun yashash huquqini bekor qilish tartibi qat’iylashtirilmoqda. Endilikda yiliga 10 oydan kam ishlagan xorijliklar o‘z hujjatlaridan mahrum bo‘lishlari mumkin.
Parlament quyi palatasi spikeri Vyacheslav Volodinning ta’kidlashicha hujjat qabul qilinsa hujjat berilgan kundan boshlab yil davomida kamida o‘n oy ish stajiga ega bo‘lmagan xorijliklarning yashash huquqi bekor qilinadi. Ushbu talab nafaqat korxonalarda balki jismoniy shaxslarning uy xo‘jaligida mehnat qilayotgan migrantlarga ham tegishli bo‘ladi.
Yangi tartibga ko‘ra migrantlar o‘zlari va qaramog‘idagi oila a’zolari uchun daromad solig‘ini (NDFL) o‘z vaqtida to‘laganini isbotlashi shart. Agar soliq to‘lovlari o‘n oydan kam muddatni tashkil etsa xorijlik fuqaroning mamlakatda qolishi qonuniy asosga ega bo‘lmaydi. So‘nggi uch oy ichida bekor qilingan VNJ hujjatlari soni 2025-yil boshiga nisbatan 90 foizga oshgan bo‘lib bu nazorat kuchayganidan dalolat beradi. Shuningdek yangi yashash guvohnomalarini berish hajmi ham qariyb 28 foizga kamaygan.
Izohlar
Hozircha izohlar yo‘q