Nyu-Yorkda Yulduz Usmonova konserti bekor qilindi va uning vizasini qaytarib olish talab qilindi. Xonanda antisemitizmda ayblanishiga javoban uzr so‘rashdan bosh tortdi.
9-may kuni Bruklinning Oceana teatrida bo‘lib o‘tishi kerak bo‘lgan Yulduz Usmonovaning konsert dasturi bekor qilindi. Bunga Nyu-York assambleyasi a’zolarining noroziligi va qo‘shiqchiga nisbatan bildirilgan antisemitizm ayblovlari sabab bo‘lgan. Deputat Maykl Novaxovning so‘zlariga ko‘ra siyosatchilar nafaqat konsertlarni to‘xtatishga balki xonandaning AQSHga kirish vizasini bekor qilishga ham erishmoqchi.
O‘z navbatida Yulduz Usmonova ijtimoiy tarmoqlar orqali maxsus video murojaat yo‘lladi. Unda xonanda o‘z so‘zlari uchun kechirim so‘rash niyatida emasligini va o‘z pozitsiyasida qat’iy turishini ma’lum qildi.
Avvalroq mahalliy qonun chiqaruvchilar Usmonovaning bayonotlarida yahudiylarga nisbatan nafrat alomatlari borligini da’vo qilib chiqishgan edi. Mazkur mojaro ortidan Bruktindagi konsert tashkilotchilari tadbirni o‘tkazishdan voz kechishga majbur bo‘lishdi.
Izohlar
Hozircha izohlar yo‘q