O‘zbekistonda telefon raqamlarni qayta rasmiylashtirish jarayoni to‘liq raqamlashtirildi. my.gov.uz portalida raqamni boshqa shaxsga masofaviy o‘tkazish imkonini beruvchi xizmat ishga tushdi.
Jarayon xuddi xabarlar almashishdek oson: raqamning amaldagi egasi portalda ariza qoldiradi, raqamni qabul qilib oluvchi esa o‘zining shaxsiy kabinetida ushbu so‘rovni tasdiqlashi kifoya.
Mazkur tizim «ikki tomonlama rozilik» prinsipi asosida ishlaydi, ya’ni raqamni qabul qiluvchi tasdiqlamamaguncha jarayon yakuniga yetmaydi. Bu nafaqat vaqtni tejaydi, balki aloqa markazlaridagi yuklamani kamaytirib, jarayonning to‘liq shaffofligini ta’minlaydi.
