Poytaxtda davlat raqamisiz va maxsus signallar bilan qarama-qarshi yo‘nalishda harakatlangan yigitlarga sud hukmi o‘qildi. Huquqbuzarlar qamoqqa olingan, avtomobil esa jarima maydonchasiga yuborildi.
Toshkent shahrida Gentra avtomobilida davlat raqamlarisiz va «migalka» yoqqan holda qarama-qarshi yo‘nalishda (vstrecha) harakatlangan shaxslar jazolandi. Qoidabuzarlar tanilib qolmaslik uchun raqamlarni yechib olishgan, biroq kuzatuv kameralari orqali ularning shaxsi aniqlangan.
Sud qarori bilan ikki nafar huquqbuzar 5 sutkaga ma’muriy qamoq jazosiga mahkum etildi. Avtomobil egasi esa boshqaruvni guvohnomasi bo‘lmagan shaxslarga bergani uchun yirik miqdorda jarimaga tortildi. Holat mayda bezorilik deb topilib, transport vositasi vaqtincha jarima maydonchasiga joylashtirildi.
