Navro‘z bayrami arafasida mamlakatda shaharlararo yo‘lovchi tashish xizmatlariga talab keskin oshadi.
Aholi va sayyohlarning yirik turistik markazlar o‘rtasida qulay harakatlanishini ta’minlash maqsadida “O‘zbekiston temir yo‘llari” kompaniyasi Afrosiyob tezyurar elektropoyezdlari uchun qo‘shimcha reyslarni yo‘lga qo‘yishga qaror qildi.
Qo‘shimcha qatnovlar jadvali
Toshkent — Buxoro — Toshkent yo‘nalishi
Qo‘shimcha poyezdlar 19, 23 va 24 mart kunlari qatnaydi.
-
778-reys Toshkent markaziy vokzalidan 06:10 da jo‘naydi.
-
777-reys Buxorodan 18:08 da yo‘lga chiqadi.
Toshkent — Samarqand — Toshkent yo‘nalishi
Bayram kunlarining eng faol davri — 20, 21 va 22 mart kunlari ham qo‘shimcha qatnovlar tashkil etiladi.
-
776-reys Toshkentdan 13:56 da jo‘naydi.
-
775-reys Samarqanddan 10:55 da harakatlanadi.
Bayram kunlari ushbu yo‘nalishlarga talab juda yuqori bo‘lishi sababli chiptalar tez sotilib ketmoqda. Shu bois yo‘lovchilarga chiptalarni oldindan xarid qilish tavsiya etiladi.
Izohlar
Hozircha izohlar yo‘q