Toshkent viloyatida 7 soat davom etgan qutqaruv operatsiyasi yakunlandi. Tunda qorlar orasida yolg‘iz qolgan bolakay FVV xodimlari tomonidan sog‘-salomat topildi.
Toshkent viloyatining tog‘li hududida yo‘qolib qolgan to‘rt yoshli bolakayni qidirish bo‘yicha ko‘p soatlik operatsiya muvaffaqiyatli tugadi. Olmaliq maxsus qidiruv guruhi a’zolari tun yarmida bolani o‘zi unutilgan nuqtadan ancha uzoqlikda uchratishdi. Qutqaruvchilar yetib kelganida, kichkintoy qalin qor ichida harakatsiz va tildan qolgan holatda bo‘lgan.
Ma’lum bo‘lishicha, hodisaga oilaviy hordiq vaqtida yo‘l qo‘yilgan e’tiborsizlik sabab bo‘lgan. Tog‘ tepasidagi qorni ko‘rish uchun chiqqan kattalar pastga qaytishda bolani yuqorida qoldirib ketishgan va buni oradan qariyb bir soat o‘tgach payqashgan. Shundan so‘ng FVVning viloyat boshqarmasi va “Qamchiq” dovoni qutqaruvchilari qidiruvga safarbar etildi.
Yetti soatga yaqin davom etgan qidiruv ishlari natijasida bolakay 14-aprelga o‘tar kechasi soat 00:20 larda topildi. Uni xavfsiz joyga olib chiqqan mutaxassislar bolani ota-onasiga topshirishdi. Hozirda bolaning ahvoli barqaror deb baholanmoqda, u o‘z uyida va hayoti xavf ostida emas.
