11–12-aprel kunlari O‘zbekistonning aksariyat hududlarida yog‘ingarchilik kutilmaydi. Havo harorati kunduzi +20…+25 darajani tashkil etadi, tog‘li hududlarda sel kelish xavfi saqlanib qoladi.
O‘zgidromet xizmati agentligi dam olish kunlari uchun ob-havo prognozini e’lon qildi. Unga ko‘ra, 11 va 12-aprel kunlari respublikaning katta qismida yog‘ingarchiliksiz ob-havo bo‘lishi kutilmoqda. Faqat Jizzax, Samarqand viloyatlari va Farg‘ona vodiysining ayrim joylarida qisqa muddatli yomg‘ir yog‘ishi va momaqaldiroq bo‘lishi ehtimoli bor.
Havo harorati kechalari +8…+13 daraja, kunduz kunlari esa +20…+25 daraja atrofida bo‘ladi. Tog‘ oldi va tog‘li hududlarda kutilayotgan mahalliy yog‘ingarchiliklar sababli sel-suv toshqinlari yuzaga kelishi xavfi mavjudligi haqida ogohlantirilmoqda.
Toshkent shahrida 10-apreldan 12-aprelga qadar yog‘ingarchilik kutilmaydi. Shamol sharqdan 3–8 m/s tezlikda esadi. Harorat kechasi +11…+13 daraja, kunduzi esa +23…+25 daraja iliq bo‘ladi
Izohlar
Hozircha izohlar yo‘q