O‘zbekiston Prezidenti aholini shovqinning zararli ta’siridan himoya qilish to‘g‘risidagi qonunni imzoladi. Tungi «sukunat soatlari», ta’mirlashga cheklovlar va zararni qoplash huquqi belgilandi.
Sukunatni saqlash bo‘yicha yagona qoidalar
O‘zbekiston Prezidenti aholini zararli shovqin ta’siridan himoya qilishga qaratilgan qonunni imzoladi. Hujjat turar joy binolari, ko‘p qavatli uy massivlari, shifoxonalar, maktablar, sanatoriylar hamda boshqa ijtimoiy ob’yektlarda sukunatni saqlashning yagona qoidalarini belgilaydi.
Qachon shovqin solish taqiqlanadi:
-
Ish kunlarida: soat 23:00 dan 07:00 gacha;
-
Dam olish va bayram kunlarida: soat 22:00 dan 09:00 gacha.
Belgilangan «sukunat soatlari»da quyidagi harakatlar taqiqlanadi:
-
Turar joylarda va unga tutash hududlarda baland shovqinli ta’mirlash, qurilish hamda yuk ortish-bo‘shatish ishlarini olib borish;
-
Xonadonlarda, ko‘chalarda, kafe va restoranlarda tovush kuchaytirgich aparaturalardan (kolonkalar, akustik tizimlar) foydalanish;
-
Avtotransport vositalari orqali zaruratsiz tovush signallarini berish;
-
Baland ovozda kuylash, baqirish, musiqiy cholg‘u dastalarda o‘ynash va pyrotexnika vositalarini qo‘llash.
Mustasno holatlar va zararni qoplash huquqi
Kiritilgan cheklovlar avariyalarni bartaraf etish, tabiiy оfatlar oqibatlarini tugatish, shoshilinch qutqaruv ishlarini olib borish hamda rasmiy ruxsat berilgan shahar va davlat tadbirlariga tatbiq etilmaydi.
Qonun fuqarolarning moddiy va ma’naviy zararni sud orqali undirish huquqini mustahkamlaydi — agar muntazam yoki me’yordan ortiq shovqin salomatlik yomonlashishiga yoki mol-mulkning shikastlanishiga olib kelgani isbotlansa, yetkazilgan zarar qoplanishi shart.
Qonun talablarini buzganlik uchun O‘zbekiston Respublikasi Ma’muriy javobgarlik to‘g‘risidagi kodeksiga muvofiq fuqarolar va mansabdor shaxslarga nisbatan ma’muriy javobgarlik hamda jarimalar qo‘llaniladi.
