O‘zgidromet 2026-yil oktyabr oyi uchun ob-havo prognozini e’lon qildi. Mamlakatda «harorat tebranishlari», shimolda qahraton va bir qator viloyatlarda normadan ortiq yog‘ingarchilik kutilmoqda.
Oy boshidagi yomg‘irlar, tog‘lardagi qor va qisqa muddatli issiq
2-4-oktyabr kunlari respublikaning aksariyat hududlarida yog‘ingarchilik kutilmaydi va havo harorati ko‘tarila boshlaydi. Biroq ushbu ilish uzoq davom etmaydi: 4-oktyabrdan shimoli-g‘arbiy tumanlarga, 5-7-oktyabr kunlari esa butun mamlakat hududiga yangi salqin va nam havo massasi kirib keladi.
«Harorat tebranishlari», shimoldagi ayoz va yog‘ingarchilik me’yori
Haroratning kutilmagan o‘zgarishlari oktyabr oyining oxirigacha davom etadi. Issiq kunlarda havo harorati kechasi 10–13° iliq, kunduzi 25–28° iliqqacha ko‘tariladi. Sovuq havo oqimi kirib kelganda esa tungi harorat 3–8° iliq, kunduzi 15–20° iliqqacha tushadi.
Eng keskin sovuq respublikaning shimoliy hududlarida kuzatiladi: bu yerda tunda harorat 0–2° sovuqqacha tushishi, kunduzi esa 10–15° iliq atrofida bo‘lishi kutilmoqda. Umuman olganda, oktyabr oyidagi o‘rtacha harorat iqlimiy me’yor atrofida, ba’zi joylarda esa me’yordan yuqori bo‘ladi.
Yog‘ingarchilik miqdori shimolda me’yordan kam, markaziy va janubiy-sharqiy hududlarda me’yor atrofida bo‘ladi. Shu bilan birga, Toshkent, Samarqand, Jizzax, Sirdaryo, Qashqadaryo, Surxondaryo viloyatlari hamda Farg‘ona vodiysida yog‘ingarchilik miqdori iqlimiy me’yordan ko‘p bo‘lishi ehtimoli bor.
