“O‘zgidromet” 6–8-iyun kunlari kutilayotgan yomg‘irlar sababli respublikaning 9 ta viloyatida sel kelishi haqida ogohlantirdi. Fuqarolar va haydovchilardan ehtiyotkorlik choralarini ko‘rish so‘ralmoqda.
“O‘zgidromet” xizmati 6—8-iyun kunlari kutilayotgan yomg‘irlar sababli respublikaning tog‘oldi va tog‘li hududlarida sel-suv toshqini xavfi borligidan ogohlantirdi. Ma’lum qilinishicha, yomg‘ir suvlari to‘planishi natijasida hududlarni suv bosishi ehtimoli mavjud.
Sel-suv toshqinlari quyidagi hududlarda yuzaga kelishi mumkin:
-
Qashqadaryo viloyati: Yakkabog‘, Dehqonobod, Chiroqchi, Kitob, Shahrisabz, Qamashi va G‘uzor tumanlari.
-
Surxondaryo viloyati: Sariosiyo, Uzun, Oltinsoy, Denov, Boysun, Sherobod, Sho‘rchi, Qumqo‘rg‘on va Muzrobot tumanlari.
-
Samarqand viloyati: Urgut, Samarqand, Bulung‘ur, Nurobod, Qo‘shrabot, Kattaqo‘rg‘on, Payariq, Jomboy va Ishtixon tumanlari.
-
Navoiy viloyati: Xatirchi, Navbahor, Nurota, Konimex va Karmana tumanlari.
-
Jizzax viloyati: Zomin, Baxmal, G‘allaorol, Sharof Rashidov, Forish va Yangiobod tumanlari.
-
Toshkent viloyati: Ohangaron, Bo‘stonliq, Parkent, Piskent, O‘rtachirchiq, Yuqorichirchiq tumanlari hamda Angren va Olmaliq shaharlari.
-
Namangan viloyati: Pop, Kosonsoy, Chortoq, Chust, Namangan va Yangiqo‘rg‘on tumanlari.
-
Farg‘ona viloyati: So‘x, Shohimardon, Farg‘ona va Beshariq tumanlari.
-
Andijon viloyati: Andijon, Asaka, Jalaquduq, Qo‘rg‘ontepa, Paxtaobod, Izboskan, Xo‘jaobod, Marhamat tumanlari va Xonabod shahri.
Mutaxassislar tog‘li hududlarda yashovchi fuqarolar, dam oluvchilar va haydovchilardan barcha ehtiyotkorlik choralarini ko‘rishni so‘ramoqda.
