Toshkentda uylar oldida yo‘lni to‘sgan, trotuar va bekatlarda qoldirilgan mashinalar evakuatsiya qilinadi. Nazorat kuchaytirildi.
Endilikda tartibni buzgan holda, ya’ni uylar oldida boshqa mashinalarning kirish-chiqish yo‘lini to‘sib qo‘ygan, trotuarlar va piyodalar o‘tish joylariga joylashtirilgan avtomobillar jarima maydonchalariga majburiy tartibda olib ketiladi.
Shuningdek, avtobus bekatlari maydonida to‘xtab turgan, maysazorlar va ko‘kalamzorlashtirilgan yashil zonalarga qo‘yilgan hamda to‘xtashni taqiqlovchi yo‘l belgilari ostida qoldirilgan barcha transport vositalari ham evakuatsiya qilinadi.
Mutasaddilar ushbu qat’iy choralar shahar muhitini barcha aholi, ayniqsa keksalar, imkoniyati cheklangan shaxslar va yosh bolali ota-onalar uchun xavfsiz hamda qulay qilish maqsadida joriy etilayotganini ta’kidlamoqda. Haydovchilardan yo‘l harakati qoidalariga so‘zsiz amal qilish va umumiy shahar makonini hurmat qilish so‘raladi.
Izohlar
Hozircha izohlar yo‘q