2026/2027-o‘quv yilidan pedagoglarning farzandlariga OTMda 30 foizli kontrakt chegirmasi berilishi rejalashtirilmoqda. Hukumat qarori loyihasi e’lon qilindi.
Ushbu imtiyoz ham yangi o‘qishga kirgan, ham hozirda tahsil olayotgan talabalarga nisbatan qo‘llanilishi belgilanmoqda.
Mazkur chora o‘qituvchilarning ijtimoiy mavqeyini oshirish va ularning oilalarini moddiy qo‘llab-quvvatlash maqsadida taklif etilmoqda. Chegirma faqat davlat oliy ta’lim tashkilotlari uchun amal qilishi kutilmoqda.
Loyiha tasdiqlansa, pedagoglarning farzandlari uchun oliy ma’lumot olish imkoniyatlari yanada kengayadi. Hozirda hujjat jamoatchilik muhokamasi bosqichida bo‘lib, mutaxassislar va fuqarolarning takliflari asosida takomillashtirilishi mumkin. Bu o‘qituvchilar mehnatini rag‘batlantirish tizimidagi yana bir muhim qadam bo‘lishi aytilmoqda.
Izohlar
Hozircha izohlar yo‘q