«O‘zbekiston metallurgiya kombinati» AJning sobiq boshqaruv raisi Dilshod Ahmedovga nisbatan Interpol orqali qidiruv e’lon qilindi. U juda ko‘p miqdordagi mablag‘larni talon-toroj qilganlikda gumonlanmoqda.
«O‘zbekiston metallurgiya kombinati» AJning sobiq boshqaruv raisi Dilshod Ahmedov rasman xalqaro qidiruvga berildi. Interpol ma’lumotlariga ko‘ra, sobiq rahbar juda ko‘p miqdordagi budjet mablag‘larini o‘zlashtirish yoki rastrata qilish yo‘li bilan talon-toroj qilganlikda ayblanmoqda.
Ahmedov 2024-yil oktyabr oyidan boshlab kombinatni boshqargan va 2025-yilning avgustida lavozimidan ozod etilgan edi. Hozirda uning xorijda qayerda ekanligini aniqlash bo‘yicha tezkor-qidiruv tadbirlari amalga oshirilmoqda. Ma’lumot uchun, uning rahbarligi davrida kombinatning moliyaviy holati yomonlashgani kuzatilgan: xususan, 2025-yil yakunlariga ko‘ra korxonaning sof foydasi 66 foizga kamayib ketgan.
