Poytaxt Parking nomidan to‘lanmagan avtoturargoh haqida soxta SMS-xabarlar tarqatilmoqda. Kompaniya havolalar orqali o‘tmaslik va karta ma’lumotlarini kiritmaslikka chaqirdi.
Fırabgarlik sxemasi va Poytaxt Parking ogohlantirishi
O‘zbekistonda Poytaxt Parking pullik avtoturargohlar operatori nomidan soxta SMS-xabarlar tarqatish holatlari kuzatilmoqda. Xabarlarda avtoturargoh uchun to‘lov amalga oshirilmagani va «qarzdorlik»ni yopish uchun havola orqali o‘tish taklif qilinadi.
Kompaniya rasman bunday xabarlarni yubormasligini ma’lum qildi va fuqarolarni ogohlikka chaqirdi. Pullik parkovka to‘lovi holatini faqat Poytaxt Parking rasmiy mobil ilovasi orqali tekshirish mumkin.
Xavfsizlik qoidalari:
-
Havola orqali o‘tmang hamda bank kartangiz ma’lumotlari va avtomobil raqamini shubhali saytlarga kiritmang.
-
Xabarni o‘chirib tashlang.
-
Karta ma’lumotlari kiritilgan bo‘lsa: agar karta ma’lumotlarini kiritishga ulgurgan bo‘lsangiz, darhol bankingizga murojaat qilib, kartani bloklang.
Savollar tug‘ilganda Poytaxt Parking qo‘llab-quvvatlash xizmatining 78 113 67 00 telefon raqami yoki Telegram’dagi @PoytaxtParkingsupportbot boti orqali bog‘lanish tavsiya etiladi.
Izohlar
Hozircha izohlar yo‘q