2026 yil 28 fevral kuni kechqurun O‘zbekiston aholisini noyob astronomik hodisa — katta sayyoralar paradi kutmoqda, deb xabar berdi O‘zbekiston Fanlar akademiyasi.
Olimlar ma’lumotiga ko‘ra, qish oxirida bir vaqtning o‘zida olti sayyora — Merkuriy, Venera, Neptun, Saturn, Uran va Yupiter — Quyoshning bir tomonida joylashadi va osmon qatlamida bir vaqtda namoyon bo‘ladi. Hodisani Quyosh botgandan keyin butun mamlakat hududida kuzatish mumkin bo‘ladi — sayyoralar osmonning janubi-g‘arbiy qismida taxminan chorak qismini egallaydi.
To‘rtta sayyora — Merkuriy, Venera, Saturn va Yupiter — oddiy ko‘z bilan ko‘rinadi. Neptun va Uranni ko‘rish uchun bino‘k‘l yoki teleskop kerak bo‘ladi, chunki ular nisbatan kam yorqin. Shu bilan birga, Merkuriy va Venera gorizont ustida past joylashgan bo‘lgani sababli ularni kuzatish qiyinlashadi. Mars esa bu paradga ishtirok etmaydi, chunki u Quyosh botishidan oldin gorizont ortiga tushadi.
Katta sayyoralar paradi taxminan har 18–20 yilda bir marta sodir bo‘ladi va eng noyob hamda hayratlanarli astronomik hodisalardan biri hisoblanadi.
