«Bo‘ston» mahallasidagi ko‘p qavatli uyda yuz bergan portlash oqibatida 19 yoshli yigit vafot etdi. Ichki ishlar vazirligi holat yuzasidan yong‘in xavfsizligi qoidalarini buzish moddasi bilan tergov boshladi.
Qo‘qon shahrining «Bo‘ston» mahallasida joylashgan to‘rt qavatli uylardan birida yuz bergan mudhish hodisa yuzasidan tergov harakatlari boshlandi. 25-fevral kuni mazkur xonadonda gaz portlashi oqibatida yong‘in kelib chiqqan va beton plitalarning qulashi kuzatilgan. Fojia joyida 2007-yilda tug‘ilgan 19 yoshli fuqaro og‘ir jarohatlar olib, hayotdan ko‘z yumdi. Mutaxassislarning xulosasiga ko‘ra, bir necha xonadonlarga jiddiy moddiy zarar yetgan.
Farg‘ona viloyati IIB huzuridagi Tergov boshqarmasi ushbu holat yuzasidan Jinoyat kodeksining 259-moddasi 2-qismi «a» bandi (yong‘in xavfsizligi qoidalarini buzish) bilan ish qo‘zg‘atdi. Ichki ishlar vaziri o‘rinbosari topshirig‘iga binoan tuzilgan tezkor-tergov guruhi hozirda voqea joyini ko‘zdan kechirmoqda va guvohlarni so‘roq qilmoqda. Eslatib o‘tamiz, fevral oyi o‘rtalarida ham Qo‘qonda shunday hodisa qayd etilgan bo‘lib, unda jarohatlanganlardan biri shifoxonada vafot etgan edi.
