Toshkentda qizga tegajog‘lik qilgan yigitga nisbatan sud hukmi o‘qildi

Yashnobod tumanida istiqomat qiluvchi 25 yoshli fuqaro ko‘chada notanish qizga tegajog‘lik qilgan yigitga nisbatan sud hukmi o‘qildi

Sud jarayonida aniqlanishicha, J. U. qizning xohishiga qarshi ravishda uning belidan ushlab, shahvoniy mazmundagi shilqimlikka yo‘l qo‘ygan. Mazkur holat yuzasidan to‘plangan hujjatlar jinoyat ishlari bo‘yicha tuman sudida ko‘rib chiqildi.

Ayblanuvchi o‘z ko‘rsatmasida aybiga iqror bo‘lib, bunday holat boshqa takrorlanmasligini ma’lum qildi. Biroq sud qilmishning xarakterini inobatga olgan holda, unga nisbatan qat’iy chora ko‘rishni lozim topdi. Ma’muriy javobgarlik to‘g‘risidagi kodeksning tegishli moddasiga asosan, huquqbuzar 5 sutka muddatga ma’muriy qamoq jazosiga mahkum etildi.