Qirg‘izistonning sobiq prezidenti Kurmanbek Bakiyevning ukasi Axmat Bakiyev 67 yoshida O‘zbekiston hududida vafot etdi. Dastlabki ma’lumotlarga ko‘ra, o‘lim 13-aprel kuni uzoq davom etgan xastalik oqibatida yuz bergan. U hayotining so‘nggi yillarini mamlakatimizda o‘tkazgan.
Axmat Bakiyev Qirg‘izistondagi bir qator shov-shuvli jinoyat ishlari bo‘yicha ayblanuvchi sifatida tanilgan edi. 2011-yil avgustida sud uni ommaviy tartibsizliklar uyushtirish, millatlararo nizolarni keltirib chiqarish hamda firibgarlikda aybdor deb topib, 7 yilga ozodlikdan mahrum qilgan. Biroq 2012-yil mart oyida u koloniyadan shifoxonaga o‘tkazilgan vaqtda qochishga muvaffaq bo‘lgan hamda qidiruvga berilgan.
Hozircha uning vafoti sabablari va dafn etiladigan joyi haqida rasmiy bayonot berilmadi. Norasmiy manbalarga ko‘ra, dafn marosimi Manas shahrida o‘tkazilishi kutilmoqda.
