Samarqandda OTB internet narxini 40 foizga pasaytirish bo‘yicha ulkan loyihani taqdim etdi. 70 mlrd dollarlik sarmoya mintaqadagi aloqa va energetika sifatini o‘zgartiradi.
Samarqanddagi nufuzli anjumanda Osiyo taraqqiyot banki mintaqadagi internet narxlarini keskin tushirishga qaratilgan tarixiy loyihani e’lon qildi. 70 mlrd dollarlik investitsiya dasturi doirasida 2035-yilgacha raqamli infratuzilma butunlay yangilanadi. Bu chora ayniqsa O‘zbekiston kabi dengizga chiqish imkoniyati bo‘lmagan davlatlarda aloqa xizmatlari tannarxini 40 foizgacha pasaytirish imkonini beradi.
Shuningdek energetika sohasini transformatsiya qilish uchun 50 mlrd dollar yo‘naltirilishi ma’lum qilindi. Pan-Asia Power Grid tashabbusi bilan mamlakatlararo yagona elektr tarmog‘i barpo etiladi va bu millionlab insonlarni barqaror energiya bilan ta’minlaydi. Mazkur loyihalar mintaqada 4 millionga yaqin yangi ish o‘rni yaratishi va iqtisodiy o‘sishni jadallashtirishi kutilmoqda. Yangi strategiya O‘zbekistonning raqamli iqtisodiyotga o‘tish va yashil energiyani rivojlantirish borasidagi maqsadlariga to‘la mos keladi.
Izohlar
Hozircha izohlar yo‘q