O‘zbekistonning qator hududlarida hafta o‘rtalarida yomg‘ir yog‘adi. O‘zgidromet tog‘li hududlarda kuchli yog‘ingarchilik va qor yog‘ishi haqida ogohlantirdi.
Hafta boshidagi ob-havo va qisqa muddatli yog‘ingarchilik
«O‘zgidromet» prognozlariga ko‘ra, 28–29-sentabr kunlari O‘zbekiston hududining katta qismida quruq va iliq ob-havo saqlanib turadi, havo o‘zgaruvchan bo‘ladi. Faqat Toshkent viloyatida 28-sentabr kechqurun va 29-sentabrga o‘tar kechasi ba’zi joylarda qisqa muddatli yomg‘ir yog‘ishi hamda momaqaldiroq bo‘lishi kutilmoqda.
Usbu kunlarda havo harorati kunduzi 25–28 daraja, kechasi esa 10–13 daraja iliq bo‘ladi. O‘zbekistonning qator hududlarida hafta o‘rtalarida yomg‘ir yog‘adi va harorat kutilmaganda pasayadi.
Hafta o‘rtasidagi yog‘ingarchilik va tog‘lardagi vaziyat
30-sentabr va 1-oktabr kunlari Qoraqalpog‘iston va Xorazm viloyatidan tashqari barcha hududlarda ba’zi joylarda yomg‘ir yog‘ib, momaqaldiroq bo‘lishi mumkin. Kunduzgi harorat 21–24 darajagacha pasayadi, 2-oktabrdan esa yog‘ingarchilik to‘xtaydi.
Tog‘oldi va tog‘li hududlarda hafta davomida vaqti-vaqti bilan yomg‘ir yog‘adi, 30-sentabr va 1-oktabrda ba’zi joylarda kuchli yog‘ingarchilik kuzatilib, baland tog‘larda yomg‘ir qorga aylanishi kutilmoqda. Shamol tezligi cho‘l va janubiy hududlarda sekundiga 14 metrgacha kuchayishi mumkin.
