Markaziy bank 17-avgust kuni kiberfiribgarlikka qarshi yangi qoidalarni tasdiqladi. 16-noyabrdan e’tiboran saytlar orqali kartadan kartaga pul o‘tkazish taqiqlanadi va bank ilovalariga kirishda Face ID talab etiladi.
Kiberfiribgarlikka qarshi yangi cheklovlar
O‘zbekiston Respublikasi Markaziy banki kiberfiribgarlik holatlarining oldini olish va fuqarolarning bank kartalaridagi mablag‘lari xavfsizligini ta’minlashga qaratilgan yangi qoidalarni tasdiqladi. Yangi tartib va talablar 2026-yilning 16-noyabridan e’tiboran rasman kuchga kiradi.
P2P o‘tkazmalar va bank ilovalaridagi o‘zgarishlar
Yangi tasdiqlangan hujjatga ko‘ra, moliya va bank tizimida quyidagi qat’iy talablar joriy etiladi:
-
Web-saytlar hamda brauzerlar orqali kartadan kartaga (P2P) pul o‘tkazmalarini amalga oshirish xizmati to‘liq to‘xtatiladi;
-
Bank ilovalariga yangi qurilmadan (smartfon yoki planshet) kirilganda shaxsni biometrik tasdiqlash (Face ID/skaner) majburiy bo‘ladi;
-
Yangi qurilmadan kirilganda barcha kartalar vaqtincha bloklanadi hamda ularni faqat SMS-kod orqali qayta faollashtirish mumkin bo‘ladi;
-
Bank ilovalariga faqat foydalanuvchining o‘ziga yoki uning yaqin qarindoshlariga tegishli bo‘lgan kartalarnigina ulashga ruxsat beriladi.
Identifikatsiya va xavfsizlik nazorati
Shuningdek, mobil aloqa operatorlaridagi SIM-karta egaligi fuqaroning JShShIR (PINFL) kodi orqali avtomatik ravishda tekshiruvdan o‘tkaziladi.
Agarda foydalanuvchining telefonida zararli viruslar yoki qurilmani masofadan boshqaruvchi (TeamViewer, AnyDesk kabi) ilovalar aniqlansa, bank tizimi tomonidan foydalanuvchiga zudlik bilan SMS va PUSH-ogohlantirishlar yuboriladi.
