1-iyuldan boshlab mamlakatda bondov omborlari tizimi ishga tushadi. Tadbirkorlar tovarlarni onlayn platformalar orqali sotmagunlariga qadar bojxona to‘lovlarini to‘lamasdan maxsus omborlarda saqlash imkoniga ega bo‘ladilar.
O‘zbekiston elektron tijorat bozorini rivojlantirish maqsadida logistika tizimida tub burilish yasamoqda. 2026-yil 1-iyuldan e’tiboran respublikada bondov omborlari — tovarlarni bojxona to‘lovlarisiz vaqtincha saqlash imkonini beruvchi maxsus ob’ektlar tarmog‘i yaratiladi.
Hozirgi amaliyotga ko‘ra, tadbirkorlar tovar keltirilgan zahoti barcha bojxona bojlarini to‘lashga majbur, bu esa mablag‘larning uzoq muddatga «muzlab» qolishiga sabab bo‘ladi. Yangi mexanizmga ko‘ra, mahsulot onlayn do‘kon orqali sotilgandan keyingina deklaratsiya rasmiylashtiriladi va to‘lovlar amalga oshiriladi. Bu esa biznes uchun moliyaviy yengillik yaratadi.
Jarayonni nazorat qilish uchun maxsus elektron savdo platformalari reyestri shakllantiriladi. Ularning axborot tizimlari Bojxona va Soliq qo‘mitalari bilan integratsiya qilinadi, bu esa savdo aylanmasining shaffofligini ta’minlaydi.
Milliy istiqbolli loyihalar agentligi (NAPPU) ushbu islohot yashirin iqtisodiyotga barham berish va budjet tushumlarini oshirishda muhim omil bo‘lishini ta’kidlamoqda.
