O‘zbekistonda ko‘chmas mulkni baholashning yangi yagona metodikasi joriy etiladi

O‘zbekistonda ko‘chmas mulk ob’yektlarini ommaviy baholashning yagona metodikasi rasman ro‘yxatdan o‘tkazildi. Ushbu hujjat mamlakatdagi bino va inshootlar qiymatini ularning real bozor narxiga maksimal darajada yaqin hisoblash imkonini beradi.

Yangi tartibga ko‘ra, mulkni baholash jarayonida bir qator muhim mezonlar va xususiyatlar majburiy tartibda hisobga olinadi:

• Joriy bozor ma’lumotlari va hududdagi o‘xshash ko‘chmas mulk ob’yektlarining narxlari;

• Binoning qurilgan yili, qurilishda foydalanilgan materiallar va inshootning qavatliligi;

• Mulkning umumiy maydoni, joylashgan manzili hamda ta’mirlanganlik holati.

Mazkur tizim doirasida turar joy va jamoat binolari (noburar joylar) alohida toifalarga ajratiladi, respublika hududlari esa maxsus narx zonalariga bo‘linadi. Ommaviy baholash ishlari yakunlangach, barcha ma’lumotlar jamoatchilik uchun ochiq bo‘ladi — natijalar Kadastr agentligining rasmiy veb-saytida e’lon qilib boriladi.