Shavkat Mirziyoyev tadbirkorlar bilan uchrashuvda kichik biznes uchun tekshiruvlarga 3 yillik moratoriy e’lon qildi. Fuqarolar salomatligiga xavf tug‘dirmaydigan tekshiruvlar to‘xtatiladi.
Prezident Shavkat Mirziyoyev tadbirkorlar bilan o‘tkazilgan uchrashuvda biznesga ma’muriy bosimni keskin kamaytirish bo‘yicha ko‘rsatma berdi. Shu maqsadda inson salomatligi va boshqa tadbirkorlarning manfaatlariga xavf tug‘dirmaydigan barcha turdagi kichik biznes tekshiruvlariga uch yillik moratoriy e’lon qilinadi.
So‘nggi uch yilda soliq yuklamasi 13,4 foizdan 12 foizga, so‘nggi o‘n yilda esa xufyona iqtisodiyot ulushi 50 foizdan 26 foizga qisqargani qayd etildi. Prezident iqtisodiyotni xufyona sektordan olib chiqish tekshiruvlar orqali emas, balki tadbirkorlarni to‘g‘ri ishlashga o‘rgatish orqali amalga oshirilishi kerakligini bildirdi.
Tekshiruvlar statistikasi va takroriy nazorat чекlovi
5 ming tadbirkor faoliyati tahlil qilinganda ularning yarmidan ko‘pi yiliga 2-3 marta, 21 foizi esa 4 marta soliq tekshiruvidan o‘tishi ma’lum bo‘ldi. Bunga qo‘shimcha ravishda yong‘in, qurilish, sanitariya, karantin va energetika inspeksiyalarining takroriy tekshiruvlari ham qo‘shilmoqda.
Yangi tartibga ko‘ra:
-
Ixtiyoriy profilaktik auditdan o‘tgan o‘rta va yirik tadbirkorlarning audit xulosasi soliq organlari tomonidan tan olinadi;
-
Qoidabuzarliklarni o‘z vaqtida bartaraf etgan tadbirkorlarga jarima solinmaydi;
-
Yil davomida takroriy tekshiruv o‘tkazishga faqat Biznes-ombudsman ruxsati bilan yo‘l qo‘yiladi.
