Prezident farmoni bilan jismoniy va yuridik shaxslar uchun avtomobil importidagi cheklovlar olib tashlandi. Shani gatori, 2029-yilgacha maxsus qurilish texnikalari importi bojxona bojidan ozod qilindi.
Prezident Shavkat Mirziyoyev “Qurilish sohasida natijador boshqaruvni joriy etish va tarmoqda davlat xizmatlarini soddalashtirish chora-tadbirlari to‘g‘risida”gi Farmonni imzoladi. Hujjat bilan ham avtotransport importi, ham qurilish tarmog‘ini qo‘llab-quvvatlash bo‘yicha muhim yangiliklar joriy etilmoqda.
Farmonga muvofiq, Vazirlar Mahkamasining 2017-yil 25-apreldagi qarori bilan tasdiqlangan G‘ildirakli transport vositalarining xavfsizligi to‘g‘risidagi umumiy tehnik reglamentga o‘zgartirishlar kiritildi. Unga ko‘ra, jismoniy va yuridik shaxslar tomonidan import qilinadigan avtomobillarga muvofiqlik sertifikati berishdagi “yiliga bir dona transport vositasi” degan cheklov normasi bekor qilindi. Shu tariqa, endilikda xorijdan avtomobil olib kirishda “bir yilda bitta mashina” qoidasi amal qilmaydi.
Qurilish texnikasi importi uchun bojxona imtiyozlari Bundan tashqari, hujjatda qurilish sohasini qo‘llab-quvvatlashga qaratilgan qo‘shimcha choralar belgilangan. 2029-yil 1-iyulga qadar O‘zbekistonda ishlab chiqarilmaydigan hamda qurilish ishlarida foydalaniladigan quyidagi vositalar bojxona bojidan ozod etiladi:
-
Maxsus qurilish mashinalari (texnikalari);
-
Laboratoriya uskunalari;
-
Instrumental asbob-uskunalar.
Vazirlar Mahkamasi bir oy muddatda mazkur bojxona imtiyozi qollaniladigan maxsus texnika va uskunalarning aniq ro‘yxatini tasdiqlashi belgilangan.
Izohlar
Hozircha izohlar yo‘q