So‘nggi:
Toshkentning Yunusobod tumanida besh yoshli qizcha hojatxona chuqurligiga tushib ketdiJamiyatDam olish kunlari O‘zbekistonda anomal issiq harorat kutilmoqdaJamiyatLukashenko Rossiya elchisidan Belarusni urushga jalb etmaslikni so‘radiDunyoO‘zbekiston dunyo maoshlar reytingida 117-o‘rinni egalladiIqtisodiyotO‘zbekistonda ko‘chmas mulkni baholashning yangi yagona metodikasi joriy etiladiJamiyatToshkentda qariyb 3 tonnaga yaqin musodara qilingan narkotik moddalar yoqib yuborildiJamiyatO‘zbekiston JCh pley-offiga chiqish imkoniyatini saqlash uchun DR Kongoni yirik hisobda yutishi shartJamiyatO‘zbekistonda aholining o‘rtacha umr ko‘rish davomiyligi 1991-yilga nisbatan 9 yilga uzaydiJamiyatQrimdan boshlangan yonilg‘i inqirozi Rossiyaning kamida 64 ta hududiga yoyildiDunyoShavkat Mirziyoyev Global o‘zgarishlar instituti raisi Toni Blerni qabul qildiSiyosat

O‘zbekiston dunyo maoshlar reytingida 117-o‘rinni egalladi

Iqtisodiyot
O‘zbekiston dunyo maoshlar reytingida 117-o‘rinni egalladi

CEOWORLD nashri soliqlar chegirilgandan keyingi sof ish haqi reytingini e’lon qildi. O‘zbekiston 458 dollar ko‘rsatkich bilan 117-o‘rinda.

CEOWORLD mustaqil tahliliy onlayn nashri o‘tkazgan tadqiqot natijalariga ko‘ra, O‘zbekiston o‘rtacha oylik ish haqi darajasi bo‘yicha global reytingda dunyoda 117-o‘rinni band etdi. Mazkur hisob-kitoblar majburiy soliqlar chegirib tashlanganidan keyingi sof oylik maosh ko‘rsatkichlariga asoslangan bo‘lib, tadqiqotga jami 197 ta davlat ma’lumotlari kiritilgan.

2025-yil yakunlariga ko‘ra, dunyodagi eng yuqori oylik ish haqi Shveysariyada qayd etildi — bu yerda rasman band bo‘lgan fuqarolarning o‘rtacha sof daromadi 8 218 dollarni tashkil etadi. Kuchli uchlikdan, shuningdek, Lyuksemburg (6 740 dollar) va AQSh (6 562 dollar) joy olgan. Eng yuqori maosh to‘lanadigan yetakchi o‘ntalikka Islandiya, Norvegiya, Daniya, Kanada, Irlandiya, Niderlandiya va Singapur ham kirgan.

MDH mamlakatlari hududida o‘rtacha sof oylik ish haqi ko‘rsatkichlari quyidagicha taqsimlandi:

  • Rossiya — MDHda 1-o‘rin, jahonda 32-o‘rin (2 266 dollar);

  • Qozog‘iston — MDHda 2-o‘rin (780 dollar);

  • Belarus — jahonda 83-o‘rin (728 dollar);

  • Armaniston — jahonda 89-o‘rin (648 dollar);

  • Ozarbayjon — jahonda 97-o‘rin (601 dollar);

  • O‘zbekiston — jahonda 117-o‘rin (458 dollar);

  • Qirg‘iziston — jahonda 132-o‘rin (335 dollar);

  • Tojikiston — jahonda 138-o‘rin (276 dollar).

Dunyo miqyosida eng past o‘rtacha ish haqi Falastinda qayd etilmoqda — oyiga o‘rtacha 104 dollar. Eng quyi pog‘onalardan, shuningdek, Lesoto (131 dollar), Angola (134 dollar), Malavi (138 dollar), Mali (141 dollar), Shimoliy Koreya (144 dollar) va Mavritaniya davlatlari joy olgan.

Рекомендуем