Futbol bo‘yicha O‘zbekiston termasi JCH-2026 guruh bosqichidagi ikkinchi o‘yinda amaldagi yulduzlardan iborat Portugaliya jamoasiga 0:5 hisobida yutqazdi.
Kolumbiyaga qarshi kechgan debyut bahsidagi mag‘lubiyatdan
(1:3) so‘ng, Fabio Kannavaro shogirdlari AQSHning Xyuston shahrida guruh faollaridan biri — Portugaliya termasiga qarshi maydonga tushishdi. Birinchi turda KXDR (DR Kongo) bilan durang o‘ynagan portugaliyaliklar bu safar o‘yin boshidanoq katta ustunlikka erishdilar.Uchrashuvning 6-daqiqasidayoq Krishtianu Ronaldu hisobni ochdi. 17-daqiqada esa Nunu Mendesh jarima zarbasidan unumli foydalanib, hisobni 2:0 ko‘rinishiga keltirdi. Birinchi bo‘lim yakunlanishi arafasida, aniqrog‘i 39-daqiqada Ronaldu uzoq burchakka yo‘llagan aniq zarbasi bilan dublini rasmiylashtirdi. O‘yin davomida hamyurtlarimiz tomonidan kiritilgan chiroyli gol hakamlar tomonidan Abduqodir Husanovning folga yo‘l qo‘ygani sababli bekor qilindi. Ikkinchi bo‘limning 60-daqiqasida burchak zarbasidan so‘ng, Joau Feliksning zarbasi Husanovga tegib, darvozamizdan joy oldi (avtogol). O‘yinning so‘nggi daqiqalarida zaxiradan maydonga tushgan Rafael Leau beshinchi golni urib, yakuniy hisobni 5:0 ko‘rinishiga keltirdi.
Ushbu mag‘lubiyatdan keyin O‘zbekiston milliy terma jamoasi guruhdan chiqish imkoniyatlarini pasaytirdi, Portugaliya esa turnir jadvalida yetakchilikni qo‘lga kiritdi. Vakillarimiz guruhdagi so‘nggi uchrashuvni Kongo DR jamoasiga qarshi o‘tkazadilar.
