Transport vazirligi yangi aeroport qurilishi munosabati bilan Toshkent aeroporti yopilishi mumkinligini tasdiqladi. Amaldagi havo darvozasi 2029-yilgacha o‘z imkoniyatlarini tugatadi.
Uning so‘zlariga ko‘ra hozirgi aeroportning yo‘lovchi oqimini qabul qilish imkoniyatlari 2029-yilga borib o‘z nihoyasiga yetadi. Shu sababli Toshkentda kamida ikki baravar ko‘proq quvvatga ega bo‘lgan yangi aviatsiya xabini barpo etish choralari ko‘rilmoqda.
Vazir o‘rinbosari yangi aeroport qurilishi bo‘yicha xususiy sherik bilan tuzilgan kelishuv shartlariga to‘xtalib o‘tdi. Unga ko‘ra poytaxtda yangi havo darvozasi ochilishi bilan eski ob’ektni yopish ko‘zda tutilgan.
Bu iqtisodiy va logistik jihatdan mantiqiy qaror ekanligi ta’kidlandi. Hozircha amaldagi aeroport o‘rnida kelajakda nima qurilishi yoki bu hududdan qanday maqsadda foydalanilishi bo‘yicha aniq rejalar mavjud emas.
