16-oktyabrdan Uzbekistan Airways Raqobat qo‘mitasi bilan birgalikda ichki aviayonalishlar tariflarini ortacha 20 foizga pasaytirmoqda. Boshlang‘ich narxlar 201 ming so‘mdan boshlanadi.
Narxlarning qayta korib chiqilishi va xarajatlar optimizatsiyasi
16-oktyabrdan e’tiboran Uzbekistan Airways aviakompaniyasi mamlakat ichidagi barcha yo‘nalishlar bo‘yicha aviachiptalar tariflarini o‘rtacha 20 foizga arzonlashtirmoqda. Parvozlar narxini qayta ko‘rib chiqish Raqobatni rivojlantirish va iste’molchilar huquqlarini himoya qilish qo‘mitasi bilan hamkorlikda amalga oshirildi.
Qo‘mita xabariga ko‘ra, tariflar to‘ri prezident topshirig‘iga asosan optimallashtirildi. Mutaxassislar aviatashuvchining transport xarajatlari tuzilmasini tahlil qilib, ularni qisqartirish bo‘yicha tavsiyalar ishlab chiqdi, bu esa yo‘lovchilar uchun chiptalarning yakuniy narxini sezilarli darajada pasaytirish imkonini berdi.
Ushbu qaror hududlararo parvozlarni xizmat safarlari, turizm hamda qarindoshlarni yo‘qlash uchun yanada hamyonbop qilishga qaratilgan.
Yo‘nalishlar bo‘yicha aviachiptalar narxi
Narxlar arzonlashganidan so‘ng bir tomonga aviachiptalarning eng kam qiymati quyidagicha belgilandi:
-
Toshkent — Andijon: 201 062 so‘mdan;
-
Toshkent — Buxoro: 241 274 so‘mdan;
-
Toshkent — Namangan: 201 062 so‘mdan;
-
Toshkent — Nukus: 442 336 so‘mdan;
-
Toshkent — Samarqand: 201 062 so‘mdan;
-
Toshkent — Termiz: 361 911 so‘mdan;
-
Toshkent — Urganch: 442 336 so‘mdan;
-
Toshkent — Farg‘ona: 201 062 so‘mdan.
Izohlar
Hozircha izohlar yo‘q