AQSH prezidenti Donald Tramp Eron portlariga kiruvchi va chiquvchi barcha kemalarni blokada qilishini ma’lum qildi. Pokistondagi muzokaralar muvaffaqiyatsiz yakunlangach, Vashington Gormuz bo‘g‘ozida nazoratni kuchaytirmoqda va Eronning yadroviy ambitsiyalariga qarshi keskin choralar ko‘rmoqda.
Vashington Eron dengiz savdosiga nisbatan keskin cheklovlar joriy etishga kirishdi. Donald Trampning ta’kidlashicha, AQSH harbiy-dengiz floti Gormuz bo‘g‘ozi orqali o‘tish uchun Tehronga boj to‘lagan kemalarni qo‘lga olishni boshlaydi. Shuningdek, bo‘g‘oz suvlarini minalardan tozalash va har qanday hujumga nisbatan qat’iy javob qaytarish rejalashtirilgan.
Mazkur qaror Pokistonda o‘tgan 21 soatlik samarasiz muzokaralardan so‘ng qabul qilindi. AQSH yadroviy dasturdan voz kechish evaziga Eron aktivlarini blokdan chiqarishni taklif qilgan edi, biroq Tehron bu shartlarni rad etdi. Jey Di Vensning so‘zlariga ko‘ra, kelishuvning yo‘qligi Eron uchun og‘ir iqtisodiy oqibatlarga olib keladi.
Gormuz bo‘g‘ozi dunyo neft yetkazib berishining beshdan bir qismini ta’minlovchi strategik yo‘lak hisoblanadi. Mutaxassislar ushbu blokada jahon energiya bozorida narxlarning keskin ko‘tarilishiga va mintaqada ikki haftalik sulhning buzilishiga sabab bo‘lishidan xavotirda.
